صالح الاحمدي/خلك جبل يعنيجبلفي ثباتك:الكل ياخذ من حجاره وطينه/قمة الابداع Maroc

_________خلك جبل ________ يا صَاحْ لاتِندمْ عَلَى شَــيْ فاتَكْ و لا تِحاولْ تِسبـــــَـقَهْ قبل حِينهْ قِيسَ المسـافه بين ذاتَك و ذاتـَكْ و بين نظراتَ القلَـــــق و السكينه اذا قَنَاعَاتَكْ تِجسِّدْ صـِـــــــفَاتَكْ فأنتْ مَاسِكْ بالحـِــــــبالَ المَتِينه وِنْ كانَت اطمَاعَك سَرَاب امْنِياتَكْ إرجَع لِذَاتَكْ لا تعلّق بســـــــــينه راجـِعْ حِسَابَاتَك و حدِّدْ جهــَـــاتَكْ و امْسك يَسار الخط والاَّ يميــــنه بـِيدَك تطلِّعْ شوكِتَكْ مِن حِفَــاتَكْ حتى و لوْ حُولَك ايادي اميـــــــنه ما كُلْ مَن تِغلِيه يسوَى غـَــلاتَكْ وْ لا كُلْ هَيِّن لازم انَّك تِهِيـــــــنه النَّمل يبنِي مَمْلَــــكَهْ مِن فُتَاتَك والمُلك ما يطعِم اسَـد فِي عرينه عَوِّد طمُوحَاتَك على تَضْحِـــيَاتَكْ مَن حَن لَجْلَكْ ما يفِيــــدَكْ حنينه إذا عِوزْت الصُّوف جَزِّيـــْت شَاتَكْ وِذَا تِبا تِنْحَرْ نَحَــــــــرْتَ السّمِينه و اجعَل حِسَابَاتَكْ مَصارِف هِباتَكْ اخيَرْ و ابــــْــــرَكْ مِن اذُون الخزينه و النظره اللِّي تَستَحِق الْتِفَــاتَكْ حَتَّى و لَوْ شِي عِندَهَا لَكْ ضغِينه ما كل شَمْعَهْ ذايبَهْ في حَــلاتَكْ أو كُل لَمْعَه فِي عيونَكْ ثَمِيـــنه خَلِّ اللِّيالِي غَارقَه فِي سُبـَـاتَكْ تِلْقَى صَبَاحَ النُّور فَارِدْ جبيــــــنه خَلِّ ابتِسَامَاتَكْ تعطِّر شِفَاتَكْ تغنِيكْ عَن فلِّه و عَن ياسمـِــينه خلك جبل يعني"جبل"في ثباتك الكل ياخذ من حجاره وطينه خُذْ لَك مِن الدِّنيا الدَّنِيَّه كِفَــاتَكْ يَكْفِيك مِنهَا قُرْصْ بَيْضَا جحِينه إنِ اسْتَوَتْ مَا تَدْرِيِ الاَّ و جَـــاتَكْ وِنْ مَا اسْتَوَت ما باتكلْهَا عجينه خَلِّ الثقَه باللـَّه مَنــــــبَر صَلاتَكْ يبقَى الأمَل مَمدُود بينَـكْ و بينه لا تِشتَكِي لِلنَّاس مِن مشكِلاتَكْ البَحر عُمْرَه مَا اشتكَى مِن سفِينه تَرَى العيُون الحَالمَه فِي شمَاتَكْ تِرْوِي عَطَشْهَا بالدِّمُوع الحـَــــزينه إرْحَلْ بذَاتَكْ عَن ألَمْ ذِكــــــريَاتَكْ مَا باتِعيشَ العُمْر كلّه رَهِيــــــــنه لَمْلِمْ عَلَى صَدْرَ الامَانِي شتاتَكْ مَهْمَا تغثِّيكَ الجُــــــــرُوح الدّفِينه إصْبر لَهَا لا مَا تِبـــــــرِّدْ حَنـَـــاتَكْ و لا تسَـــــــــلِّمْ للأسَفْ و الغَبينه سُوْلِفْ مَعَ الأيَّام و اغـــنَمْ حيَاتَكْ وِ اضْحَكْ و لوْ جَرْحَكْ يغرِّق مدِينه _______صالح الاحمدي_____ كلمات الشاعر/صالح الاحمدي #صالح_الاحمدي ابشرك ياسالم الحال سالم بفضل ربي والنوايا السليمه شاعرالمليون صالح الاحمدي قمة الابداع #قمة_الابداع

Category