الكبة المشوية من بابها لمحرابها
اول خطوة راح نحتاج لهبرة
يفضل عجل بس مامتوفر عندي الا
الغنم جبت 700غ لحم هبرة خال من الدهن
يفرم عالماكينة دور والدور التاني بالخلاط
مع كم مكعب ثلج لياخد لون زهر حلو
وضفت 250غ من الدجاج بين شرحات ووراك
مخليه من العظم طحنتهم عالخلاط نتيجتون
افضل من الماكينة للكبة بيصير متماسك
والعروق بتخلص منها بكل سهوله بعدين
بنغلفها وبنحطها بالبراد لبين ما نجهز الحشوة :
هي كيلو لحم خاروف مدهن مفروم
مرة واحدة عالخشن ونصف كيلو شحمة مفروم
عالناعم بنحط بطنجرة اللحم وبنقلب لينضج
بنضيف الملح والفلفل الاسود فقط بعدين
بنطفي النار وبنزل الشحمة عليه وبنقلب
راح تدوب ع البخار بنحطهم بصينية واسعة
وبنتركون يبردوا تمام ضروري والا بتفشل
الكبة وبنضيف المكسرات حسب الرغبة بس برد
هلأ بنجي للعجينة الخارجية راح نحتاج
لبرغل ناعم استعملت الاشقر ممكن الاسمر
بنغسله وبنصفيه مباشرة دون نقع مع عمليه تصويله اي غسيله كذا مرة وبنصفيه
انا وضعت كيلو وربع برغل مقابلون 950هبرة
انا دعمتها زيادة، بس المهم ما تنقصي الحد المطلوب
كل كيلو برغل مقابله هبرة نصف كيلو تنقصوا 100غ
وتزودوا شوي مافي مشكلة بس منشان تندعم العجينة
وتمسك التزموا
بندير البرغل مرة عالناعم ومعون حبتين بصل
بعدين بنضيف الهبرة يلي حضرناها مسبقا كيلو الا شوي وبنحط رشة بهار فلفل اسود، فليفلة، دبس فليفلة، كمون، البهار حسب الرغبة وبنعجن العجينة منيح وبنرش مي اثناء العجن بعدين بندير الكبة دور تاني عالناعم وبنحط مي اذا احتاجت
بعدها تدعك جيدا
وتقسم لقسمين بنبدا تكور بوزن 85-90غ حجم مناسب وبنطبعها باي شي ع شكل دائري رقيق
نضع الحشوة بنحركها وبنوزعها وبنرجع بنحط،
قطعة تانية فوقها وبنسكرها كما في الفيديو
وبنمسدها بالماء العادي مضاف عليه ملعقة نشا
لو طحين لضمان تشققها افضل وبنجهزها للشوي
النار لازم تكون قاطعة والجمر فقط يلي مبين
والا الكبة بتحترق وبتم معجنة ولازم ما تكتروا
قراص عالشواية خلوا مسافة لينقلبوا ويستوا ع
مهل وبس تاخد لون زهر خفيف قلبوها
كذا مرة لتستوي وتركون اخر شي ع طرف
الشواية يتنهنهوا وهيك جاهزين للاكل 😍😋
تقدم بجانبها كبة لبنية او كشك او عيران او سلطة
وصحتين
Category
Show more
Comments - 364
Related videos for كبة مشوية حمصية مع طريقة الهبرة والحشوة ونجاح العجينة وطريقة الشوي المهمة نتيجة رائعة Maroc: